E amata ile afiafi nanei le tauvaga siva afi faalevaomalo , a le Ailao Club i lona nofoaga fou ile malae o Tulisi i Apia.
O le tauvaga faalevaomalo lea e amata i le afiafi nei, ole faamanatuga foi lea o le atoaga o le 20 o tausaga talu ona faavae mai sailiga siamupini o siva afi faalevaomalo.
Ole tauvaga ole tausaga lenei, o le a tauva ai foi ma tamaitai mole taimi muamua, e saili siamupini ai foi. Ma ua fetaitoinai foi ma le ASo Faalevaomalo tetee atu i sauaga faasaga i tamaitai.
Ua iloa gofie ai Samoa i lana siva afi, ose vaega o lana agaifanua e ese mai ai foi i aganuu a isi atumotu.
Mai lona faavae maiga, ile tausaga e 2002, e le Afioga a Leota Lene Leota o lana ia lava foi lea taleni o le siva afi, ma amata mai ai lana Ailao Club.
O faamasino ole tauvaga o lenei tausaga e aofia ai , Galumalemana Patrick Rasmussen, Matagofie Kome Feagaimaalii ma David Galea’i, ua faatolu ona siamupini i tauvaga faalevaomalo ole Siva Afi, ile Polynesian Centre i Hawaii.
O le tauvaga ile malae o tulisi i le eleele fou, o loo tatala ile atunuu lautele mo maimoaga, ina ua tele le avanoa mo tagata uma .
