Ua te’ena e Justice Vui Clarence Nelson o le Faamasinoga Maualuga le mafuaga na tuai atu ai ona faila atu molimau tusitusia (affidavit) a le itu a le afioga ia Lautimuia Uelese Vaai poo le na manumalo mai ile faiga palota laititi a le itumalo o Vaimauga tolu.
O lea mafuaga na tolaulauina e le loia oloo tulai mo le itu o loo tuuaia, le susuga ia Lagaaia Fetu Lagaaia ile aoauli o le aso.
Ae o le susuga ia Fuimaono Sefo Ainuu oloo tulai mo le itu tagi.
Ma ua teena foi le talosaga sa tuuina atu a le afioga ia Lautimuia, ile tatau lea ona iai Lealailepule Rimoni Aiafi i Samoa e fai lana molimau.
Peitai saunoa Justice Vui, olea faaoga pea fesootaiga i upega tafailagi le zoom poo le audio link e fesootai mai ai Lealailepule mo lana molimau.
Ae o le aso Lua o le vaiaso fou lea ua tuuina atu ai e le faamasinoga e iloilo ai le tagi a le afioga ia Samau Leatigagaeono Solitamalii Timani e faasaga ia Lautimuia faatasi ai ma le tagi a le afioga ia Lautimuia Uelese Vaai e faasaga ia Samau.
I tolaulauga a le faamasinoga ile aso na faamaonia ai e 2 molimau a Samau e faasaga i tuuaiga a Lautimuia ae 6 molimau e faasaga i lana tagi, Ae 12 molimau a Lautimuia e faasaga i tuuaiga faasga ia Samau ae 3 molimau mo lana tagi.
