E le’i talia le talosaga o le tatala i tua o le tama ia Samuelu ma lona faletua ia Sivai, ile aso ananafi, e le faamasinoga.
Ma toe avatu ai ile lotoa o le falepuipui i Tanumalala, e taofia ai, mo lesi tolu masina, e valaau ai le faamasinoga o moliaga a leoleo.
Teena le talosaga mafua mai o Sam e tele moliaga sa falepuipui ai na faalua ona sola ese mai ma le vaavaaiga leoleo ao fale puipui
Teena foi le talosaga a Fepuleai, e aveeese lana saini e faalavelave i ona tofiga faa faipule ae ua faatonu e le faamasinoga poo fea lava e agai ai i Savaii ma Upolu saili se ofisa o leoleo lata atu e saini faalua ai i le vaiaso
Peitai e 104 moliaga o Sam, 59 Sivai, 9 lise, 18 Fepuleai , ae 4 Lio
O moliaga ia ole tau pulepule, na valaau faatasi ai ile aso Lua ananafi, ma le Faipule, afioaga a Fepulea’i Faimata Su’a, o le alii leoleo sinia, Li’o Faataumalama, ma le tamaitai aoga ile IUvesite a Samoa, Lise Schmidt.
Ile faamasinoga ananafi, na faatumulia totonu ma fafo mai ile tapuaiga, a aiga, ae o le lautele ole atunuu o loo latou tuliloaina pea le maliu lilo ole atalii sa aoga ile Iuivesite aoao a Samoa,
O Tuuau Maletino, e taunuu atu i le falema’i ua tuai lava, ile po o le aso 21 o Aperila 2021. lea ua savali ile tolu tausaga, o toso le sailiga o le avetaavale.
Molimauina le feei o tina ma leoleoa tauaiga ma e sootaga ia Samuelu ile faamasinoga ananafi, i Mulinuu, talu le taunuuga a le faamasino, e toe ave ai ia matua , e taofia pea i lalo ole vaaiga al eoleo.
Ole saogalemu o Samuelu ile lotoa o le falepuipui i Tanumalala, na talosagaina ai e lana loia vavae ese mai le potu o iai isi pagota, talu o loo faamata’u ai iina, ma faapena ai lava ona faia ile taimi nei.
Ua tuu atu i le masina o Me, e valaau ai loa le faamasinoga. Ae o loo tatala pea i tua lesi vaega i lalo aiaiga masani a le faamasinoga.
