E le avanea le tofiga faipule, ma le malaga i Savaii i lona itumalo e taofia ai le faimeatonu a le Faamasinoga.
A malaga i Savaii, vaai se ofisa o leoleo i Salafai lata ane e saini ai, faapena foi pe’a malaga mai i Upolu, faatasi ile vaiaso.
Ua toe fetuunai ai le talosaga a le Faipule o Salega 1, afioga a Fepuleai Faimata Su’a e ala i lana loia, Tanya Toailoa, i le saini faalua i le vaiaso ole faipule, ile na’o le faa-tasi. Sa fesoasoani foi i leoleo.
E 18 moliaga o Fepulea’i. Ma e manatu le loia a leoleo, Leilani Taimalelagi Strickland, ole faipule lesi ole toalima lea e molia faatasi, afai e talia le talosaga mo le faataatia ese o lana saini ile ofisa o leoleo, lona uiga e talosaga foi lea a isi oi latou, ma e leai se mea ole’a ese ai sona tuutuuga mai isi, pei ona finau Leinafo, ae ia saini i Savaii pe afai ei Savaii, saini i Upolu pe afai ei Upolu.
Ma togi ai fafo e le tamaitai faamasino , Talasa Atoa Saaga le talosaga, e aveese le saini a le faipule, a ia faatasi loa, poo Apia poo Savaii, e fetaui ma ana fealuaiga.
O loo teena uma e le faipule, molaga e 18 a leoleo, e aofia ai ma le taupulepule ose solitulafono. Ma ua atofa ile masina o Me e toe valaau ai loa mole faamasinoga.
