O le’o iai se faamaoniga a leoleo ile faatuai o latou suesuega , talu le mataupu i le faafeagaiga lea o loo tuuaia ise mataupu e sootaga ile teineititi 15 tausaga.
Saunoa le Komesina o le Matagaluega o leoleo Auapaau Logoitino Filipo ina ua fesiligia e le Leitio Polensia sa oo atu le faasea ole mataupu lena ile amataga ole masina lenei, mai i Savaii, ile uma ane ai ona avatu ile vaaiga a le Toomaga mo e Puapuagatia le tamaitai 15 tausaga.
Peitai o lana tala, e le’o tuumamaina e le Matagaluega o leoleo le mataupu lena, o loo faia iai suesuega, ia mautinoa e faamalieina uma itu ole mataupu.
Na ia saunoa o latou faaiuga fai i tausaga ua tuanai, sa faatosina atu ai tagi faaletulafono faasaga ile matagaluega.
Ma ua faaeteete foi le faiga o a latou faaiuga ia mautinoa e le mulimuli mai ai ni faasea faaletulafono, ma faatatope le faiga mulimuli ane ua faaleaogaina, ae sosoo mai ai ma se tagi faasaga i le matagaluega o leoleo.
