4 Tesema 2024 Ua tali manino mai le afioga I le Fofoga fetalai o le palemene Papalii Li’o Taeu Masipa’u, e fai ma sui o le la aumalaga i Niusila ile vaiaso talu ai, ma le afioga ile Minisita o Faamasinoga, Matamua Vasati.
Ole tali a le Susuga Papalii, faalauaitele, e na te teena ai le faasalalauga a le nusipepa ole Samoa Observer ile Aso Gafua o le vaiaso nei, 2 o Tesema.
O loo faaulutala ai i lana itulau i luma le taofia faamalosi o le fofoga fetalai ma le Minisita i Aukilani ma tuuaia e lei faia ni o la siaki masani screening i Faleolo, faatasi ai ma isi pasese e toalua.
O pasese na e toalua na la ta’u e lei faia ni o la siaki.
Ole faamatalaga a le nusipepa o atagia ai se fetusiaiga ile i luga o emeli ma faaaoga ai ata o faipule o faatatau iai le tuuaiga, sa taofia famalosi le fofoga fetalai ma le minisita o faamasinoga ile malae vaalele i Aukilani talu e le’i faatinoa laasaga mole puipuiga o le saogalemu, i Faleolo, a’o lei ulu ile vaalele.
Peita’i ua logotala iai le fofoga fetalai ma le minisita, ma faalauaitele ai la la’ua faamatalaga ia silafia ai e le atunuu, e leai se moni o na faamatalaga a le nusipepa.
I le faamalata faalauaitele mai le fofoga fetalai : “e matua le faamaonia na faamatalaga ma e leai se tulaga faapena na tupu.
“e lei fesiligia foi la’ua ma le minisita o faamasinoga i le faaaogaina o la ata.
“o se faasalalauga pito tasi e aunoa ma le fesiligia o la’ua pe moni pe leai,
“Ole tuumaulaloina ai o la’ua ma le minisita ona o faamatalaga faalumaluma
Ma taua foi e le fofoga fetalai i le popolega i le maualuga o tofiga o galulue ai ae ua tuumaulaloina e lea faasalalauga, ua tatau ai ona avatu se faasa’oga faalauaitele mo le silafia e le mamalu o le atunuu.
