O lona laei pa’epa’e soloatoa, ofutino ma le ie faitaga, na tula’i ai i luma o le Faamasinoga Faaitumalo i Mulinuu.
Le Susuga a Tiumalumatua Maifea Fetu, na te le’o taliaina tuuaiga a le Failautusi Aoao ole Vaega faaupufai a le FAST, Susuga Vaaoao Alofipo. O tuuaia le alii faasalalau i lona lafo oni upu faalumaluma faasaga i lesi tagata.
O le faasea a le Susuga a Vaaaoao na ulua’i tusi atu ai i leoleo ile masina talu ai, ma faasolo ane ai lava ina faaulu lana tagi ina ua logotala ua i fanua le o ta’ua i luga.
O le Susuga Tiumalumatua ose tasi o tagata faasalalau e nofo mau i Ausetalia, ae na malaga mai i Samoa i ona tuatuagia.
Peita’i ua toe tolo ile vaiaso lona tolu o le masina nei le mataupu faasaga ia te ia i luma o lana afioga ile tamaitai Faamasino, Talasa Atoa Sa’aga. O le alii loia , Faimalomatumua Mathew Lemisio le loia a le o tuuaia.
