Na talosaga le Minisita o Faatoaga i le Pelemene, Susuga Laaulialemalietoa Leuatea Schmidt ile Fofoga fetalai, ole maota i sona avanoa e talanoa ai ile matapu faatatau ile pisinisi Tour Guide e anaia e lana fanau.
Saunoa Laauli, ua tele se afaina o lana fanau ona lenei faamaite, ae ia nofosilafia lenei mataupu.
Saunoa Laauli ona sa afea i le saunoaga faaminisita a le Palemia Fiame Naomi Mataafa, faatatau i malaga tuusa’o mai Saina, HongKong, na iloa ane o loo aofia ai ni Minisita.
Ole saunoaga a lena a le Palemia sa faataatia ile laulau mo se taimi mulimuli ane. Peitai ile Palemene ananafi, ma le talosaga a Laauli, ise avanoa e talanoa ai ile Mataupu o ta’ua i luga, sa lei talia e le Fofoga Fetalai o le Maota, Li’o Papalii Taeu Masipa’u. Ona sa iai isi mataupu a le maota o faagasolo atu iai.
Ae o le faatalanoaga ole tala faatatau o le tupe mo levtolu vaiaso sa faamaonia mai ile Aso Faraile talu ai.
Ae ile lauga a le Palemia, na ta’ua ai ole kamupani tumaoti lea ole Travel Focus Hong Kong Limited, sa faakonekarate ele
Pulega o Tulisi e nate maketiina Samoa i Saina, ma o latou foi o loo i tua o malaga tuu sa’o mai Saina i Samoa. Ile malaga muamua lea, ole Samoa Royal Tours sa latou maua le faatafafaoina o tulisi i Samoa, ma laga ai loa faitioga mai isi kamupani v ile atunuu, e tusa ai ma le sootaga ole Samoa Royal Tours ae ose kamupani fou.
Atoa ai ma le iloa ane ole kamupani o loo lesitala i lalo o alo o le Minisita ia Laauli. Na fana sa’o lava le saunoaga a le Palemia ile faamatalaga mai le Travel Focus o ta’ua ai, le latou galulue ai i le tele o tausaga e tapena mai malaga tuu sa’o nei mai Saina i
Samoa, e aofia ai ma le malaga atu o Minisita i Saina e faamautu na fuafuaga.
Ma agia mai le faamatalaga a le Travel Focus lo latou faamoemoeina ole Royal Samoa Tours. I faamaumauga, ole tiute lava ia lena o kamupani tour guides, ole saili o latou maketi i fafo, pei o Vaa Meli la’u pasese, e taunuuu lava ua mautu atu lana ia Tour Guide Company, e fela’uaia tulisi.
Faapei foi ona faia e le Royal Samoa Tours. Molimauia e le’o le taimi muamua lea ua tupu ai le tulaga o le alu lava ole tagata e saili mai ana pisinisi i fafo mo sana pisinisi Tour Guide.
Sa iai foi isi tamalii o le atunuu, sa agia foi i luga ofisa faasalalau o latou foi na faamoemoe sa faataunuuina lava.
E ala ile taunuu mai o Meli ae ua sauni atu foi lana kamupani e tali le faamanuiaga o tulisi. Pei foi ona faia e le Royal Samoa Tours.
Taimi nei pau le itu ua vaoia e le malo, ole faatanaga e faalauiloa ai ele Travel Focus Samoa i Saina, ae le’o vaoia e le malo atinae a pisinisi e manuia ai tagata male tamaoaiga o le atunuu.
