Ua tolo i le Aso 16 ole masina fou o Me, le mataupu tau faamasinoga, ole tagi $1.07 miliona tala a le sa avea ma Sui Pule o le FESA Fire and Service Authority, Faafetai Alisi faasaga ile malo.
O ia tuuaia ile fa’asolitulafono ona fa’amuta o lana galuega, ma le faalumaina o ia.
O ofisa o le malo o ta’u i le tagi, e aofia ai le FESA, Ofisa Tausi Mavaega, Matagaluega o Tupe male Matagaluega o faalapotopotoga a le malo.
Ma na faamaonia mai e le Susuga Deejay Fong o le Ofisa o le Loia Sili, ina ua fesiligia e le Leitio Polensia, le faila ai ose latou tetee e faleaogaina le tagi.
Peitai na talosaga mo se taimi e faaaulu ai le faamatalaga tetee mo le FESA. O le matapu lenei na valaau ai ile Faamasinoga Maualuga ile Aso Gafua ole vaiaso nei, ma ua tuu e toe valaau i le Aso 16 o Me.
O le tagi a le Alisi, e mo le faamamaina o lona igoa. O Tesema o le tausaga talu ai na faamalolo le tumau ai le tamaitai, a’o faia suesuega, ma oo ai ina faamuta lana konekarate, i luga oni tuuaiga e sootaga i tupe ma amioga tapulea.
O lo o tulai ai le Drake Law, ae o tuuaia e Alisi le faalumaina o ia i faamatalaga na fai.
E $1.07 milona tala le su , toe valaau ai lea mataupu i le ogatotonu ole masina fou o Me.
