Ua faatalosagaina e le Matagaluega o Leoleo, Falepuipui ma le Ola Toe Fuataina, le fesoasoani a le mamalu ole atunuu ile tau sailia ole afafine ia Sina Tyrell, 11 tausaga o Lalovaea. O lenei teineititi e vasega 6 ile aoga tulaga lua a Tanugamanono ma e le manino lana tautala.
Na tuua e Sina lona aiga ile Aso Toonai, 24 o Aokuso 2024, ile pe tusa ole 5pm agai le 6pm ile afiafi. Ole vaaiga mulimuli ia te ia, oloo ia laeiina se mitiafu lanu uliuli ma se ofuvae pupuu (tight) lanu mumu.
Faamolemole se tasi na te silafia se nofoaga oloo iai Sina, poo se faamatalaga foi e uiga ia te ia, sei faafesootai ane se ofisa o Leoleo o lata ane, poo le numera 22222.
Galulue faatasi mo se Samoa saogalemu.
