O le maualuga o le faitau o tagata talavou ole atunuu ua faamauina le avatu I fafo mo togafitiga, pei ona saunoa le taitai o le malo Afioga a Fiame Naomi Mataafa, e le’o se laasaga faigofie pe afai e faaauau ai pea le aafia o tupulaga o Samoa i faama’i ae ole lumanai ole polokalame o loo avatu ai gasegase i fafo mo togafitiga.
“ O le tala faamomoi loto, ole toatele oi latou ua aafia I gasegase auina I fafo, o talavou.
O lona uiga afai e faaauau pea le tulaga, tau gasegase o loo avatu i fafo mo togafitiga, ile vaiaso talu ai na faamaonia ai foi e le kapeneta le silia ile 10.
“O le vaiaso na te’a e 13 gasegase na faamaonia e le Kapeneta le avatu I fafo mo togafitiga.
Peita’i ua faafautuaga mai ai le saunoaga ale taitai ole malo i o tatou tagata lautele, I le ave lea ole faataua ile soifuamanuia i le tausiga o aso uma
“Le atunuu e, o le tatalo lava a le tatou malo, tautuana lo tatou soifua maloloina.
O loo tagai foi le malo ile siitia ole tulaga ole falema’i i Motootua ina ia mafai ai ona malaga mai foma’i faapitoa e faia togafiti i Samoa.
