Ua tuuina atu tali tetee a matai ma taulelea e toa 12 o le afioaga o le Lefagaoalii e tauala atu i le loia o loo tulai moi latou le susuga ia Alex Sua i luma o le faamasinoga maualuga i le amataga o le vaiaso nei.
O ia moliaga e aofia ai le ave faamalosi ma le faaoolima i le matai o le afioaga e pei ona maua i ata video na pue e se tasi o le afioaga ma tuuina mai luga o upega tafailagi.
Peitai ua tuuina atu nei e le afioga i le faamasino ia Ameperosa Roma le iloiloina o molimau ma moliaga e sootaga i le mataupu o taua i luga i le masina o Me o le tausaga fou.
O le mataupu lea i lona amataga e na o le toatasi lava le matai na taofia mai le falepuipui i Tanumalala ma valaau ai lana mataupu i Mulinuu.
Ao le isi toa 12 na tatala lava i tua ma valaau i le valaauga muamua i Tuasivi, peitai o lea ua faasee uma mai le toa 12 lea i Upolu nei, ma o loo tatala uma i latou i tua e talia ai le aso e toa valaau ai lenei mataupu.
