Tetee Peresetene o Faamasinoga ile tusi a le Palemia

SHARE NOW

O loo teena mai e le Susuga Letufuga Atilla Manutopule Ropati le faaleaogina faaletulafono o lona tofiga Peresetene o le faamasinoga o fanua ma Suafa, ma o lona aso mulimuli lenei, 31 o Oketopa.

Ua faalauaitele mai ai lenei mataupu e le Susuga Letufuga Atilla i lana pepa o faamatalaga,  :
e tali atu ai i tala ave i luga o ofisa faasalalau: e faatatau ile faaiuga a le afioga i le Palemia, e aveese ia , le Peresetene ole faamasinoga o fanua ma Suafa mai le nofoa.

O atagia mai i le faalauiloa a Fepuleai, ua silia ma le vaiaso talu ona la fetusia’i ma le afioga i le Palemia, ile mataupu lenei.

Ae o lona manatu,  ole faaiuga e aveese ia, o loo fua ile vaega 67(6) ole tulafono o Fanua ma Suafa 2020.

Ma sa logo aloaia ane  ia e le Palemia i lana faaiuga e ala ile tusi o le aso 20 Oketopa, ma toe faamausali ane i lesi tusi o le aso 28 o Oketopa 2022. Na ta’u atu ile tusi, o lona aso mulimuli le Aso Gafua 31 o Oketopa 2022.

Ile tali a Letufuga Atilla i ofisa faasalalau na faalauaitelea le aveesea o ia ma lona tofiga: ma lona faaaloalo,  ole faaiuga e aveesea ia i lalo o le vaega 67 (6) e le o gatusa m ale faavae, e na’o le Ao foi o le Malo e mafai ona ia aveesea  le Peresetene o Fanua ma Suafa, i le uma ane o le palota 2/3 ole maota e pasia se na faaiuga.

O ia tuua’ia: o lona iloa e lei faia lena tulaga; o lesi mafuaaga , pe afai ua le mafai ona faatino tiute o le Peresetene. Ae le’o ni mafuaaga na sa avatu e le afioga i le Palemia ia te ia.

Na ia toe ta’ua le faamasinoga maualuga ile mataupu a le Pelesetene ma le Ofisa  le Loia sili, 2022 WSSC 8 (14 Aperila 2022) na taua ai le vaega lava lea 67(6) na fua iai le aveesega o faamasino o Fanua ma Suafa e aunoa ma le faatinoga o le ala o mea, ae  lea foi ua tupu ia teia.

Ma o mafuaaga na ua faaulu ai lana lu’i i le faamasinoga maualuga, e nate taga’i ile faaletulafono o le faaiuga a le afioga i le Palemia.

O le a lava le faaiuga  a le faamasinoga e na te faaaloalogia.

Ole mataupu lava lea, pei ona taua ile tusi o ta’ua i luga i le au faasalalau, Peita’i na faamaonia mai e le Minisita o le Kapeneta, ua mae’a ona faatino uma auala o loo atugalu iai le tusi o ta’ua i luga. Na ulua’i faatino a’o lei avea iai le tusi a le afioga i le Palemia.

Ma ua iai foi le Peresetene ole Faamasinoga o Fanua ma Suafa, le afioga a Lesatele Rapi Vaai, na faatino foi i ala o le Tulafono, aofia ai le faia ole tofiga a le Ao o le malo i lalo o le fautuaga a le Palemia.

E lei tali mai le afioga i le Minisita o Faamasinoga Matamua Vasati Pulufana i tatou fesili peita’i o ta’ua mai totonu, e le’o le malo e ana le faaiuga, ole mulimulita’ia lava ole tulafono faavae, lea na pasia mai lava e le faigamalo talu ai le LTC 2020.

Ma sosolo ai lava i’ina le faaiuga ile faaleaogaina ole tofiga o iai nei ole Peresetene o Faamasinoga o Fanua ma Suafa.