Mai le nuu o Tulisi ile eleele fou, I faaaliga o le aso lona lua, o faafiafiaga o le Teuila 2023, e le’i gaogao faleie o faatau ai taumafa eseese, bbq, saunuisi, keke, vai
suamalie, lavalava, mea taulima, oloa meafale, teufale, ma isi.
O le taaloga a tamaiti e lima tala e tietie ma faalue i pa’u, se ia tapunia fiafia ole afiafi.
E ta ane le ono ile afiafi ua amata foi ona nofoia e faatali le fagogo, ma oo atu
iai fanau laiti e silia ile 10, ole tele o tamaiti sa sili atu ia latou le o ile paka I
autafa e fai taaloga, e lei iai so latou naunau e faagogo, ose agaifanua foi sa sili
ona tulituli e fanau ole 50 tausaga talu ai, I autafa o le matua e fai tagi
gafagogo.
Peita’i o anapo na maimoaina ai foi le maeu o faafiafiaga faaleaganuu, o mauluulu ma le faataupati ma sasa.
Ma o tulaga ia
- 1: EFKS Satitoa Aleipata
- 2: Metotisi mai Papaloloa Sinamoga,
- 3: EFKS mai Letogo
Ae I le vaega o siva afi o lona taunu’uga:
- 1: muamua ai Han Lemalu
- 2: Vaelaa Iloa
- 3: Pasitale Toomalatai
Ole matagofie ole afiafi ananafi Aso Lua, I tafaoga a aiga o matua ma fanau, e leai se timu, ma faatumulia ai falematamata ma le malae ile mutia i, e sa molimauina le po lona lua o faafiafiaga.
O le aso, Aso Lulu 6, Setema, o le suavai masani mai le 10am-12pm, taaloga ma
faaaliga o oloa. Ole afiafi nanei ile ta o le fitu, e faia ai lesi vaega ole tauvaga tausala mo tagata uma 2023, i tuamaota o le malo.
E faalauiloa ai tamaitai tauva, ma laei ai a latou Sarong ma le Puletasi, ole toa 10 lea ua lesitala o tausala tauva, e sailia ai le lalalelei ole Teuila I lenei tausaga. Ae o le tapena atu ai mo vaega faaiu o le tausala ile po o le aso Toonai ile faletaalo I Tuanaimato.
