Ti’eti’e i taavale tama lakapi ole Toa Samoa i le taulaga

SHARE NOW

E 15 taavale ua tapena ai nei mo le soloa a taavale e tietie ai tama lakapi a le Toa Samoa. Oi latou ia ua i laufanua o Samoa nei, pei ona taunuu auaua’i mai ai ile vaiaso nei ma tatou lipotia atu muamua.

Na faamaonia mai e le komesina ole Matagaluega o Leoleo ma Falepuipui, Auapaau Logoitino Filipo ina ua tatou fesiligia, ” e 15 taavale, e sau ai le solo mai le auala i Vaisigano faasolo mai ile maota o le malo i le eleele fou”

Peita’i o le polokalame o le taeao, lea o le’a poloka ai le auala beach Road mai Vaisigano ile taulaga mo le saogalemu, amata mai le 9am ile 12pm.

E le taumate o le’a toatele le atunuu ae o paaga a le Toa Samoa, e malaga mai ile taulaga e feiloai i le au ma pu’e ata ma feofoofoa’i i le vaitau o Aso fiafia.

Peita’i e tamua lava na fiafia uma, i le sauniga lotu faafetai a le malo ile au, i le Malumalu o Ekalesia Katoliko Roma i Mulivai Apia.

O saunoa ai le Komesina o Leoleo, Auapaau Logoitino, o le taua o lenei faamoemoe o le filemu ma tausia ole maua ose Samoa saogalemu.

Ua faatonuina ai nei e le Pulega o le Lakapi Liki Samoa le Ofisa Loia, Aumua Law Firm e faia se faatatau faaletulafono faasaga i pisinisi poo tagata taitoatasi ua latou faaaoga faasolitulafono mea totinoa a le Lakapi Liki Samoa.

O na mea totino e aofia ai le igoa Toa Samoa, o ana mamanu, ma faaupuga ua uma ona faamaufaailogaina o mea totino a le Toa Samoa, pei o le “Uso o aso uma”, “O ai le toa” o le Toa Samoa “Siva Tau” ma nisi vaega ole Siva tau. O ta’ua i le faaaliga faalauaitele mai le Ofisa loia , O le logo Toa Samoa ma isi ana faailoilo o ta’ua i luga, ua uma ona faamaufaailogaina faaletulafono e ana ia e le Lakapi liki a Samoa. Ua tatau ona faamuta loa le faaaogaina faasolitulafono.

Pei o le gaosia o oloa o lomia ai faamau faailoga poo faailoiloa a le Toa Samoa, e aunoa ma se faatanaga faaletulafono, ose solitulafono.

O oloa poo mea totino na a le Toa Samoa ose tasi o ana alagatupe. E agavaa ma ai le faatanaga e gaosia ma toe faatau atu na faamaufaailoga, pe’a

  • 1: umia se faamaoniga mai le Rugby League Samoa
  • 2: O tupe uma e maua mai na oloa e avatu le lua sefulu pasene ile Samoa Rugby League poo se vaega e malilie iai.
  • 3: O soo se faamaoniga mo le faatauina o faamaufaailoga poo faailoilo ole Toa Samoa e tatau ona mulimulita’ia aiaiga e faatulaga ane e le Samoa Rugby league, ile taimi ua faamaonia ai sea maliega, pei ona faatonuina ai le Ofisa loia e le pulega o Lakapi liki Samoa.