Ole 48 ai nei aso talu ona iloa ua aafia le tatou atunuu lautele ile faaamai ole koviti, ae olea ua oo atu i le 19 soifua ua maumau ai, toatele o matua e iai isi gasegase tumau sa aafia ai.
E oo lava ile tama matua ua uma ona tui puipui e tolu, sa naunau lava e puipui lona soifuamaloloina, peita’i na aafia loa ile siama koviti faaopopo iai ma isi mafatiaga ole tino i ma’i tumau ma maliu ai ile masina o Aperila.
O loo tuputupu pea le aofai o tagata maliliu ole tatou atunuu ile faamai. Ma e le’o se tulaga mama lea ile vaai a le malo, aemaise o aiga ma fanau ae o matua ua maliliu.
Ua maitauina le faaauau ai pea ona saunoa faamaise ma faamafanfana lana afioga i le Palemia, Fiame Naomi Mataafa i aiga ua afea i mafatiga ma le tiga ole oti.
Ae ose tala lata mai lenei o aafiaga o le tatou atunuu, ile faamai, ile 48 itula ua tuanai, pei ona fofogaina mai e le taitai o le malo.
