E iai le kamupani Sikulaki ile atunuu, ua tatou taofia le igoa mo tulaga puipui faaletulafono, ua o’o mai faasea a se vaega ole aufaigaluega, ile tatou ofisa.
Talu ua le tasi pe lua, taimi o faamanuiaga a le NPF, ae le’o manuia ai ona e o’o atu i le NPF, e leai ni saofaga o alu i totonu mai o latou totogi.
E ui ina o loo lomia atu i a latou pepa o totogi le tipi o NPF. Ua mautinoa e tatou tala fou, e le o se fa’aletonu fou lea tulaga.
Talu e iai kamupani ua fai feutanaiga ma le ofisa o le NPF, e taatia ane i le tai tolu masina ma totogi atu saofaga a latou tagata faigaluega. E iai foi kamupani ole faasea lava lea e tasi mai tagata faigaluega.
O ta’ua e lesi tama, na gata le alu i totonu o lana NPF i le 2020. Ae o lesi oi latou nei, ua lata ile tausaga o galue ae leai lava sana NPF ua alu totonu e ui ina o loo i luga o lana payslip.
Ua ta’ua e le o aafia, o le’a sulufai atu i le ofisa o leipa ile vaiaso nei mose fesoasoani i lana mataupu.
