Ua maea le filifiliga a le kapeneta i tusitalosaga sa tuuina atu mo Tulaga mamalu ma faailoga ma e toa 15 i latou ua faamaonia le agavaa iai o faailoga taualoa a le Malo.
Ua faamaonia mai e le le ta’ita’i fono o le Komiti o Tulaga Mamalu ma Faailoga Taualoa le Afioga ia Agafili Shem Leo.
E toa 30 sa tusi talosaga atu, peitai saunoa Agafili e tele fetu ae o fetu iloga ia ua loa le tautua i totonu o Samoa.
Ua lima ai nei tausaga talu ona le toe faia le Sauniga faapitoa o le Taua’ao lea o Pine poo Tulaga Mamalu ma Faaailoga Taualoa a le Malo talu mai le 2017.
Ina ua a’afia le Atunuu i le faama’i o le misela ma faasolo mai ai i vavao ma sa o le koviti19. O lenei faamoemoe a le Malo e agavaa soo se tagata ua loa le tauatua poo se tasi foi ua lauiloa le tautua i soo se faatufugaga e pei o le faufale, matuauu i falelalaga, ma faatufugaga ta tatau.
E le na o tagata faigaluega foi a le malo i Samoa nei e mafai ona agavaa, e mafai foi ona auai ma kamupani ma tagata Samoa oloo galulue ma auamau i Atunuu i fafo.
Pei ona pale mai ai le tina ia Maria Muagututi’a i le 2017 mai le Afioaga o Fogasavaii, i lana tautua i le ini’ini i le ie Samoa, na avea foi ma Sui Tama’ita’i o lona Nuu i le tolu tausaga, o ia taleni uma sa faapaleina ai le tina i se tasi o Fa’ailoga Taualoa a Samoa e amanaia ai foi lona sao taua i totonu o le Atunuu.
Ma o le tauaao ina o pine ma faailoga taualoa e faatino lea i polokalame faaiu o le tapunia aloia o sasa ma faafiafiaaga o le 60 tausaga o le Tu toatasi o Samoa ile po o le aso Lulu i Mulinuu.
