Toa ono faipule ua faate’a ma le FAST

SHARE NOW

16 Ianuari, 2025 – Samoa Tala tuliloa i le faigamalo a le FAST, poo le Faatuatua ile Atua Samoa ua Tasi, ma ona tala faasolopito a’o tulituli atu le taunuuga o le lima tausaga o lana nofoaiga muamua.

O anapo 15 Ianuari 2025, na faalauiloa mai ai e le taitaifono o le FAST, Laaulialemalietoa Polataivao Leuatea Fossie Schmidt lea folasia ai o finagalo ole FAST e aveese tofiga taitai o le FAST mai le faipule o Lotofaga, le afioga ile tamaitai Palemia, Fiame Naomi Mataafa.

Ae usi mai le faafofoga ile taunuuga o le fono a le FAST ile afiafi ananafi pei ona faailoa mai e lona Taitaifono:

sa iai le agaga e saili pea ma tatalogo masefau, I le tulaga o le tausi o le filemu, ile gasegase o malo. Ae ua siliga taliiseu, Ua atoa ai le tolu o fonotaga, e lei auai ane le Palemia ma nisi o minisita o le kapeneta.

“O loo latou solituina le tulaga o valaau atu ai le taitaifono.

“Ua toe fono ai le FAST, 20 sui auai, maua ai le aofai e faatino ai le fono, ma faaali finagalo, ise tulaga e fa’ia ma foia ai le gasegase a malo.

O le iugafono:

“1 Ua autasi le vaega faaupufai, e aveese le tofi o le taitai o le FAST mai ia Fiame Naomi Mataafa.

Ua aveesea foi ma sui auai o le FAST amata atu i le po lenei,

E toalima isi sui ole FAST, ua fuli le vaega faaupufai e faia lenei faaiuga.

“O le tofa Leaitnuu, Olo Fiti Vaai, Faualo Harry Schuster, Toesuluslu Cedric Schuster ma Tuala Iosefo Ponifasio,

Ua aveesea ma le FAST ma o latou tofi ile vaega faaupufai.

Ua le toe alo ile ata ole laau, ae faia finagalo o sui o le vaega faaupufai, ona ua le mautonu poo fea o lilifa iai le pulega o le vaega faaupufai.

Asuasu atu malu i pu’ega ile faafofoga, a le atunuu. Ole faaiuga ua tapena , o le mea mai le Atua.

O aiaiga ma tulaga faaletulafono, e faavae ma taitaina ai le vaega faaupufai, o mulimulitaia.”

O le taeao nei e toe fono ai le faafaletui I nisi matupu I tofiga mo le agai I luma o le FAST,  ose tami foi ona faafofoga lea i finagalo faaalia, o le fono mai anapo.