Ua ata’ata mai le fa’afaifaigata o le Palota Laititi ale itumalo o Faleata fa. Ina ua maona ane lesi sui ole’a tauva mai le Igoa Matua ia Ale Vena Ale, ole tasi foi o matai iloga ole afioaga o Toamua, sa galue i le malo i tausaga e tele ua tuanai, Susuga Ulu Bismark.
O loo tauva faatutoatasi. Ile faalauiloaina o sui faatutu a le HRPP i le aso, lea ua tauva mai ai i lalo le HRPP, le susuga a Tuuu Amaramo mo le itumalo o Siumu, o le a falo mai ma le tofa a Tuuu Anasii lea na loto tele e toe foi ile faigapalota laititi, talu ua alofa i lona itumalo ia maua faamanuiaga mai le FAST.
Ae ole itumalo o Vaafonoti lea ua iloa atu le matai faatu mai a le HRPP, ole Susuga Leausa Dr Naseri, ole a taufetuli mai ma le Sui a le FAST, Mauu Siaosi Pu’epu’emai.
E le’i faailoa maia se aso tonu o le palota laititi a itumalo nei, ae o loo faagasolo ai nei le faiga lesitala mo itumalo e tolu o avanoa nofoa i le Palemene lona 17.
