3Tesema 2024 Tala tuliloa ile faamai lenei o le Wooping cough poo le tale vivini ua faailoa faalauaitele mai ai I luga ole itulau a le Matagaluega o le Soifua maloloina no le nofo malamalama ai e le mamalu ole Atunuu le pepesi ai lea o lenei faamai I totonu o Samoa.
Ile Polokalame Faapitoa a le Matagaluega o le Soifua Maloloina.
Mataupu – Faalauiloa aloaia o le pipisi ai o le faama’i o le tale vivini i le atunuu.
Na saunoa manino ai le Afioga ia Tagaloa Dr Robert Thompsen e uiga I lenei faamai, aua e pei ona latou taua muamua e leo se faamai fou o le faamai ua leva ma e tele atunuu o loo aafia ai ma e aofia ai ma Samoa.
Ole pepesi ai o lenei faamai I Samoa ua faamauina ai e 6 gasegase fou lea ua mautinoa ua aafia I lenei faamai e aofia atu ai ma le pepe 7 Vaiaso le matua.
O Auga o lenei faamai na faailoa manino e le Sui Faatonu Sili aoao poo le taitai ole vaega ole soifua maloloina lautele poo le public health ale Matagaluega o le Soifua Maloloina.
E silia ile 30 le aofai o nisi o le mamalu ole atunuu ua maea ona faatino siaki ma o loo masalomia le aafia ai foi I le tale vivini poo le wooping cough, ma o le agai pea I luga o le fuainumera o tagata e aafia ua avea lea ma popolega a le Matagaluega ole Soifua maloloina I fanau laiti, aemaise lava I fanau ia e 5 vaiaso agai atu I fanau faatoa fananau mai.
O Ausetalia, Niusila faapea ai lea ma New Kaletonia o atunuu muamua nei e tolu lea ua faamauina ai le pepesi ai o lenei faamai.
