E toatasi le tama matua lea ua maliu mai le faalavelave lea na tulai mai Malifa i le amataga o le vaiaso nei, na faamaonia mai e le Komesina o le Matagaluega o leoleo le afioga ia Auapaaau Logotino Filipo i le Leitio Polenisa.
O le tama lea silia ma le 60 le matua o lona soifua sa maua atu i ata video poo live tuusao na tuuina mai luga o upega tafailagi, o loo taoto fao sei tulou, ma lona ulu o loo liki mai ai le palapala.
Ma o ia foi lea sa atoa iai le toa 4 o tagata sa taooto i le potu tigaina ina ua matuai tuga lava manuaga mai le faalavelave lea.
O le pasi lea a le Laumosooi e fealuai i le va o Falealii agai mai le taulaga, ma na saunoa mai le sui Komesina i le aso ananafi masalo o le faaletonu o taofi ma le saoasaoa tele o le pasi na afua ai le faaletonu.
E silia ma le toa 30 le pasese toa 27 na auaina atu i le falemai mo togafitiga ma toe tea ai tua i le aso ananafi.
Peitai molimau nisi o le faaitu lea i Falealili e le o le taimi muamua lea ua aafia ai lenei pasi i faalavelave faapenei.
E tusa o le itula e 7 le taeao o le Aso Gafua faatoa usuai tagata i galuega, ae tulai mai loa le faalavelave pei ona taua i luga.
