Ua famaonia mai e le Sui Komesina ole Matagaluega o leoleo, Susuga Papalii Monalisa Tiai Keti, le maliu ai ose tamaitai talavou, 19 tausaga mai le faalavelave tau taavale lea na tupu i Tapatapao ananafi.
Saunoa Papalii ina ua fesiligia e le Leitio Polenisia, tusa o le te’a laititi ole fa ile afiafi ole Aso Lulu na logo mai ai leoleo, ese telefoni, ile taavale lavea i Tapatapao, na oo atu iai leoleo ma molimauina ai, ole taavale na oso i tua ma le auala ma aafia ai. Saunoa Papalii, e le’o iloa ile taimi nei le mafuaaga, o loo faia iai suesuega a leoleo.
Ae e toatolu le pasese ma le avetaavale, sa avatu uma ile falemai mo togafitiga.
Ole taavale ile faamatalaga mai leoleo ole pick up Toyota mai Aleisa, ma e le mafai ona faia moliaga, talu na avatu ile falemai le avetaavale ma isi o aafia. Ae ua faia nei iai suesuega ole mafuaaga o le lavea o le taavale, ua maliu ai se tamaitai talavou 19 tausaga.
