E toatolu le au faipisinisi a Samoa na togia mai le tauvaga a le Pacific Agri Innovate 2024, o loo auai atu I lesi laasaga o le tauvaga ua faasee atu I Fiti ile vaiaso nei, ile uma ane ai o le tauvaga na faia i Samoa I le vaiaso talu ai, 28-29 Oketopa.
Ole vaiaso nei i Fiti le fono a le Pacific Small Island Developing States SIDS Solutions Forum, 5-8 o Novema.
O le fono lena o le’a faaali ai oloa ma metotia a le aufaipisini e toa iva na manumalo mai Samoa, Fiti ma Solomona.
Ole toatolu manumalo atu ile vaega o le tauvaga i Samoa, e aofia ai
Vicki Va’ai – Vicki’s Products
Precilla Milly Betham-Tauaa – Aleisa Coffee
Faalualuo Floris Niu – Ms. Sunshine Organic Farms Charitable Trust
Ole uma ane o lesi vaega o le faaaliga i Fiti ile taimi o le fono a le SIDS ile vaiaso nei , o le’a tufa atu foi iai ma a latou faailoga ta’i $1,000 USD,
Ile amataga mai o le tauvaga, e 10 pisinisi sa auai mai le atunuu, Fiti, Samoa ma Solomona, talu mai Setema 2024 na tapunia ai talosaga.
E lua vaiaso, sa faia ai aoaoga i itu tau ile tapenaina ole pisinisi, Business plan development, ole maketiina, puleaina o tupe maua, o le pisinisi i luga o fesootaiga televave, o auala e faatupe ai, o le tapenaga ose seleselega, ma le faatatauina ole tupe maua .
Peita’i o le toatolu a Samoa na manuia mai ai ile tauvaga, o le aso muamua na faia ile Lava Hotel na faaali ai oloa poo auaunaga,
O le aso lona lua na faia I le SROS Scientific Research Organization, I Nafanua, mole tauvaga,
Ma manumalo mai ai Vicki Va’ai – Vicki’s Products
Precilla Milly Betham-Tauaa – Aleisa Coffee
Faalualuo Floris Niu – Ms. Sunshine Organic Farms Charitable Trust
O lea tauvaga a le Pasefika, na faatupe e le lio o malo Europa, European Union. Ma aloaia ai e le ofisa sili ole SROS Fiso Pousui Dr Fiame Leo le sao, poo le auaunaga, ai latou o taua I luga, i le faatumauina o taumafa e gaosi ma maua lava i Samoa.
