Ua faalua ai nei ona asia e le aoga a Papatoetoe mai Aukilani Niusila le laumua o le Alofiotaoa i Savaii, talu mai le tausaga e 2019.
O le taeao nei na faailoa mai ai e le susuga i le faiaoga o le laumua, ua tapena le aoga mo le ava o le feiloaiga e faafeiloai ai Papatoeotoe, o tu lava ia ma aga pei ona masani ai Samoa i ana taligamalo
I le maea ai o le ava o le feiloaiga o lea agai ai i potu aoga ma le faailoa ma le aoaoaina o nisi o auala o loo faaoga e faiaoga o le Alofiotaoa e aoaoina ai mataupu eseese i alo ma fanau, ae sili lava le mataupu o le Gagana Samoa.
Ae faaiu i faafiafiaaga ma taualuga ai le faamoemoe, peitai e le na o le kolisi o le Alofiotaoa na asia e Papatoetoe.
Ua faamauina foi le sao o lenei aoga ma le latou faigapaaga ma le Alofiotaoa ina ua o latou ofo se toniga Netipolo ma mitiafu mo le kolisi o le Alofiotaoa i le tausaga e 2019.
