11 Tesema, 2024 Samoa – E ui o loo teena uma e le faipule ole itumalo o Sagaga tasi, Loau Keneti Sio moliaga a leoleo e aofia a ma le faaoolima,
Ae o le vaiaso nei ua ave ai i tua ma faaleaoga e le Faamasinoga maualuga, moliaga ogaoga, e aofia ai ma tuuaiga o le faomea faasaga ile faipule.
Mai le faamasinoga ile vaiaso nei o lipotia e le Samoa Observer le toe faaui i tua o moliaga a leoleo ma le ofisa o le Loia Sili ile uma ane ai ona iloilo le sootaga o le faipule ile tuuaiga, i luma ole faamasino, Justice Roma.
Na talia e le faamasino le talosaga e faaui i tua le moliaga o le faomea ma le moliaga e tasi o le faaoolima ile Faamasinoga Maulauga.
Peita’i ile faamasinoga faaitumalo, o loo tumau lava isi moliaga faasaga ile faipule.
O lea mataupu tau faamasinoga na afua mai ise feeseeseaiga ile va o Loau ma ona tauaiga i mataupu tau lotoifale.
Peita’i na fepa’ia’i pei ona molimauina, ma molitu ai e le isi itu le faipule i leoleo.
Ma faapena foi ona avatu le faasea a le faipule i leoleo faasaga i ona tauaiga ma faia ai foi moliaga a leoleo faasaga ile auaiga.
