E le fou le taumafaiga lea ua faia e le Matagaluga o Tina ma Tamaitai ma Aga Fesootai ma le Matagaluega o Oa Faanatura ma le SIosiomaga ile masina nei.
Pei ona faalauiloa mai e lana pepa o faamatalaga, e silia i le 200 aiga ua ave iai oloa e amata ai a latou pisinisi laiti.
O aiga ia i Savaii ma Upolu.
I faamaumauga ole lima tausaga talu ai, e oo mai nei, e silia i le 500 pisinisi laiti na fanau mai le polokalame o le Nofotane a le faalapotopotoga o Tooomaga mo e Puapuagatia.
Ina ia faaoa ai le Nofotane ma avea ose ala ‘oa ile aiga, ma saofaga atu ai faigatonu o aiga atinae ae o nuu ma ekalesia, ae o se tasi foi auala e faaititia sauaga i totonu o aiga, aemaise o tina ma fanau.
Peita’i ole polokalame lea ua faailoa mai ele Matagaluega o tina ma Tamaitai ma le Matagaluega o Oa Faanatura ma le Siosiomaga, e fua ile o gatasi ai ma le soifua o lenei vaitaimi i suiga o le tau, ae o atinae e mafai ona gafataulimaina .
E auga foi ile atinaeina o le tamaoaiga, ma le faaleleia o soifua o aso uma i Samoa.
Ole polokalame lea a le malo, e aofia ai le auai o sui o aiga nei e 200 i se faaaoaoga faapitoa mo le faatautaia ole atinae, i sona tulaga faaauau.
O lesi vaega o lena polokalame na faia ile Aso Gafua , 2 o Me 2022 ile Maota o Tooa Salamasina i Sogi ma tufa ai oloa e fesoasoani i le amataga o le pisinisi.
O le laasaga lea i pisinisi na amata mai ile 2017 pei ona ta’ua e le pepa o faamatalaga, o le faapaaga a Matagaluega lava ia e lua, sa fesoasoani ai ile tusa o le 1,500 tagata.
O na fesoasoani na manuia ai se vaega o aiga i alagatupe ma siitia ai le laasaga o le soifuaga faifaipea ae ole tali atu i suiga o le tau ma ona foi lu’itau, ile au faifaatoaga, lafu manu, pa i’a, meataulima ma faleaiga laiti.
