Toe faafo’i e leoleo le malaevaalele Fagalii 

SHARE NOW

Ua toe faaui atu nei e le Matagaluega o Leoleo ma Falepuipui, le malaevaalele i Fagalii , lea sa latou faaaoga mo le vaega o taavale afi, ile Matagaluega o Galuega , fela’uaiga ma galuega tetele.

Pei ona faamaonia e le famatalaga mai le Komesina o leoleo, Auapaau Logoitino Filipo, o le aso 28 o Iulai 2022.
” Mo le atunuu lautele, ua fautuaina le faaoo ane o mataupu tau auaunaga i luga ole aualatele ma solitulafono tau taavaleafi, e faaoo ane ile ofisa o leoleo i Apia, amata atu i le aso 28 o Iulai.”

Sa le mafai ona tali mai le Komesina o leoleo ise fesili faatatau i le mataupu lea, peita’i , o lana faasalalauga o ta’ua i luga, o lena lava. Amataga o le vaiaso talu ai na alu ai le asiasiga a le Minisita o le kamupani Vaalele ma pisinisi a le malo, Leatinuu Wayne Sooialo ma le Minisita o Galuega, ma fela’uaiga ma galuega tetele, Olo Afoa Fiti Vaai ile malaevaalele i Fagalii.
O tapenaga mo le toe tatala ai o le malaevaalele.

Ma faalauiloa faalauaitele ai e le afioga a Leatinuu,  i luga o fesootaiga televave, le toe tatala ai o Fagalii ise taimi lata mai. Peita’i e le’o mautinoa lea vave.

Ae o lana faasalalauga na ta’ua ai, ole asiasiga i le malaevaalele i Fagaloo, ma le Minisita o Galuega, CEO o le Pulega o le Malaevaalele, Galuega tetele, LTA ma Pisinisi a le malo, ile malaevaalele lea ose taunuuga o feoaiga o aso uma a Samoa e lua. E le na’o vaalele ae o tatou tagata.