10 Tesema 2024: E toatasi se Pagota na sailia ele Matagaluega o leoleo falepuipui ma le ola toe fuataina, ina ua faamaonia le sola ai I tua ma le falepuipui I Tanumalala ile Aso Sa, aso 8 o le masina nei.
Peitai ua faailoa mai ele Komesina o leoleo I Tanumalala, ile taeao nei o lea ua toe maua le alii lea na sola I tua, ma ua toe taofia nei i le toese.
O le alii lea e igoa ia Va’ai Panapa, na taofia e leoleo ona o ni moliaga e aofia ai le talepe fale, ole gaoi, ulufale faasolitulafono i totonu o se fale e aunoa ma se faatanaga, atoa ai ma le sola ese mai le toese talu ai.
Na fa’afetaia e le Ofisa ole matagaluega o leoleo I Tanumalala le fesoasoani atu a le mamalu ole atunuu, ile tausailia o lenei pagota i le taimi o le sailiga, lea ua vave toe maua atu ai lenei alii.
