E lima mafuaaga ua afua ai le faaiuga a le faamasino e toe faafoi le alii o Samuelu i Tanumalala e faatalitali ai le taimi o lona faamasinoga ia Mati ole Tausaga fou 2025.
Mai le faaiuga a le faamasino, Senior Justice Nelson ole faamasinoga maualuga, ma maua mai ai le tatou kopi.
O itu e lima ua le talia ai le talosaga e tatala Samuelu Su’a i tua,
1: ole faaeteete ne’i le oo ane Samuelu ile taimi e valaau ai lona faamasinoga, fua i faamaumauga a leoleo o lea alii e aofia ai le tele o ona suafa.
2: ua faamalieina foi le faamasinoga i faamatalaga ole sootaga o Samuelu i molimau a leoleo, ma e ono faaauau lava lena sootaga pea tatala i tua.
3: oloo iai faaeteetega ole faamasinoga i lona saogalemu, ona o lea sa ta’u atu sa fai lea alii ma CI Confidential Informant. Ma ua faatonuina ai foi le pulega ole falepuipui i Tanumalala ia faaauau pea ona nofo Samuelu ile potu na o ia, vavae ese mai le toatele o tagata oloo taofia ile lotoa, ma ia faia nisi auala e faamautinoa ai le saogalemu ole soifua o lea alii ile falepuipui.
4: e leai se molimau oloo iai ni molimau ni faaletonu ole soifua o Samuelu e manaomia ai ona sau i tua, ae ole tala mai lona aiga, e faapea e oso loa ma’i lili, e leai se faamaoniga o lena tulaga ise lipoti mai se foma’i.
5: Talu ai e aiga molimau ole mataupu lea, ole iva masina lea ua tolo iai le faataliga ole taimi e valaau ai le faamasinoga, o se laasaga e faatonutonu lava e latou.
Ole faaiuga lea ole mataupu na tolaulau ile Aso Faraile talu ai, 16 Aukuso, talu mai le mataupu ile aso 22 o Me ma le aso 6 Aukuso 2024.
Na tula’i qi le tama’ita’i loia Leinafo Taimalelagi mo leoleo, ae o Iuni Sapolu ma Josephine Sapolu mo Samuelu.
