4 Tesema 2024 O loo faaauau lava ona la’u mai oloa a le Samoa Brewery mai Fiti, ma faatau atu i faleoloa o Samoa.
O le kamupani lea a le Samoa brewery i Vaitele ile lotoa sa masani ona gaosi ai le Vailima, o taua nei o le Samoa Brewery, peita’i o ana oloa o loo la’u mai Fiti pei ona taua e le itu o lana maketi ise tatou faatalanoaga ile aso.
O oloa a le Samoa Brewery o loo faatau atu e aofia ai le tonic water , soda water, ginger ale, ginger beer, coco cola ma Vailima beer o loo totoe mai le taimi o gaosia mai Fiti. O loo latou faataua foi le powerade ma le Juice o loo la’u mai Niusila.
Peita’i o oloa o taua i luga ale Samoa Brewery, o loo kiliva atu i faleoloa ma pisinisi i Upolu nei ma Savaii.
Ua faamauina foi le manuia ai ole tusa o le 30 tagata Samoa i galuega o loo galulue ai nei ile Samoa Brewery.
E ese mai le Samoa Brewery o loo faataua oloa gaosia mai Fiti,
Le kamupani Samoa lea ua latou toe gaosia le Vailima beer le pia a Samoa.
Peita’i ole toe foi mai ole Vailima e gaosia i Samoa, ua sui foi ma lona fale gaosi oloa ae o lona pulega. Ua faasee atu ile fale gaosi Vailima fou i Vaitele lava tusa o le kilomita i sisifo ole lotoa tuai lea ua taua nei ole Samoa Brewery, e faatau ma tufatufa ai oloa gaosi mai Fiti.
