E 13 aso ia sa faimalaga atu ai I Siamani nisi o sui o faauluuluga o mataupu Samoa faatasi ai ma sui o faiaoga o loo avea le gagana samoa ile iunivesite aoao o I papaigalagala.
O le auga autu o lenei malaga sa malaga atu ai I latou I Siamani o se latou faatalatalanoaga aotai ai ma le toe faafoiina mai lea o nisi o measina a Samoa o loo fai ma mataaga poo ni suvania I totonu o se tasi o falemataaga I Siamani.
O nei measina a samoa lea o lea toe faafoi mai I le atunuu ona na taua e I latou ia sa malaga atu I Siamani le mafuaaga ua toe amai ai measina a samoa ona o lea olea tala I lalo le falemataaga lenei o loo I totonu ai measina nei Samoa lea sa ave e tagata Siamani ia sa omai I Samoa ma pulea le atunuu I le vaitaimi o pulega faakolone I le aso 1 o mati ile tausaga 1900 ile 1914.
E tusa ai ma faamaumauga o nei measina sa ave e Siamani I vaitaimi o pulega faakolone ma auina atu ai I vaa faila a Siamani I le la vaitau.
O measina ia e pei o mea faigaluega I tuliga lupe, matau ia ma le teloe lava o isi measina a Samoa ia o lea toe faafoi mai ae o isi measina tetele e pei o alia o se tasi o vaega o le vaa samoa o le pa sina pa uli, ulialaulilo o mea ia ua le toe maua ma le toe iloa e le tele o tagata I aso nei e oo foi I le upegha e taua o le matali’I ua le toe maua I le atunuu I le taimi nei.
O ia faalia foi o isi ituaiga meafaitino eseese sa faaaoga e fai ai le au faleaganuu a Samoa o isi ia o measina e toe faafoi mai ao isi measina o lea tuu ai pea I Siamani oma ua fai lava lava si taugata o le felauaiga e toe faafoi mai ai nei measina ua leva ona mou atu mai totnu o le atunuu
Na ia taua foi ua alagatatau le toe faafoi mai o nei measina ma le tatala aloaia ai o le falemataaga a le iunivesite aoao o Samoa I le aso muamua o Setema o le tausaga lenei.
