Toe faafou galuega fai faatasi a Leoleo ma le Toomaga

SHARE NOW

Ua faitau tausaga talu ona galulue faatasi le Matagaluega o Leoleo ma Falepuipui ma le Toomaga mo e PUapuagatia,
I taimi e taunuu ai faasea a aiga mai tua ma faasee atu le galuega faaletulafono i leoleo.

Peita’i ole vaiaso muamua lenei ua amata ai ona aloaia teuteuga ma suiga ole la Maliega aloaia.
Ina ua iai foi ni suiga i tulafono e faatino ai tiute ma matafaioi, ae o le galuega lava ia tau ile puipuiga.

Ua silia i le 10 tausaga ole faapaaga lenei , peitai ua ole toe faafouina o le la MOU ua amatalia ai nei, ina ua mafai foi ona iloa nisi suiga aga’i i luma ile faaleleia atili o le galuega, 2006 sa fai ai le MOU ma leoleo lea faatoa toe faafou.

Ole vaiaso talu ai na toe  faamau aloaia ai le faafouga o le faapaaga lea ile va o le afioga ile Komesina o le Matagaluega o Leoleo ma Falepuipui, Auapaau Logoitino Filipo ma le Pule Faatonu aoao, poo le Peresetene o le Toomaga mo e Puapuagatia, SVSG Samoa Victim Support Group, Siliniu Lina Chang.

O le auga o galuega faifaatasi, a leoleo ma le Toomaga, ia iai se taunuuga lelei o soifuaga o tagata na aafia i soligatulafono.
Taimi nei e tusa o le 100 fanau mai le pepe i le 18 tausaga le matutua o loo tausia i le loto a i Tuana’imato.

O le tala faatatau ole tupe faasoasoa a le malo ole 2022-2023 na faato’a avatu ai e le malo se tupe 500afe tala i le Toomaga, ma avatu ia ile lisi o latou galuega e faatino, mo le faaititia o sauaga faasaga i tina ma tamaitai.

Peita’i o le tausiga i taumafa ma manaoga o aso uma mo fanau oi lotoa i Tuana’imato, o loo maua ane mealofa tupe mai aisiga i fafo atu o Samoa,   aemaise o le alofa ane i pisinisi ma kamupani i Samoa nei, e aofia ai faalapotopotoga ma Ekalesia.

O le faavae ai nei o le MOU, pole galuega fai faatasi a le Matagaleuga o leoleo ma Falepuipui ma le Toomaga, o vaega uma lava ia o le taua o faia nei faasaga i sauaga ma soligatulafono o aafia ai tamaitai ma fanau.