Toe fa’afou le faitotoa o le tia o Malietoa Tanumafili II,

SHARE NOW

Ua 16 tausaga talu ona tuumalo lana afioga sa avea ma Ao mamalu o le malo tutoatasi o Samoa, Susuga ile Malietoa Tanumafili ll, ma lagomau ai i lona tia i Mulinuu.

Peita’i ole aso 7 Novema 2023, ua toe potopoto ai ona auaiga i lona fanua maliu, ole sauniga faapitoa, e toe molimauina ai ma to manatu i le aso na tapunia ai le faitoto’a mo le taimi mulimuli i lona oliolisaga tumau, o lona tia.

Ole sauniga ole aso, pei ona faailoa mai e se tasi o ona alo ina ua tatou fesiligia, Papaliitele Olga Keil, “ole tatalaina ole faitoto’a ua toe faafou, o le loa po o le tia o le Susuga i le Tapaaufaasisina, Susuga ile Malietoa Tanumafili ll.”

Lea na gapatia ma le Baha’i Community.

Molimauina i lea sauniga faapitoa na auai atu iai le afioga ile Tama Aiga, Afioga ile Tui Atua Tupua Tamasese Efi, sa avea ma Ao mamalu o le malo o Samoa, ile mavae ai ole Susuga ile Malietoa.

Na auai le Susuga a Malietoa Moli, afioga a Tooa Tosi Malietoa, o taitai ole Faatutuaga Baha’i i Samoa, ae ole nofo alo ile Malietoa ma aiga.

Ole Susuga ile Malietoa Tanumafili ll, e to’alua iai ulu’ai Ao ole Malo o Samoa, na totofi e faato’a mae’a o la taimi pe’a tuumalo.

Peita’i ole taimi nei, ua ta’i lima tausaga ole nofoaiga, ua lua Ao tofia ile nofoa, mai le afioga ile tama aiga, Tuia Atua Tupua Tamasese Efi, e lua ana nofoaiga, ma oo mai ai ile afioga a Tuimalealiifano Vaaletoa Sualauvi ll, ua savali ai nei le lua tausaga o lana nofoaiga lona lua.

Peita’i ole tuua ai ole malo e le afioga ile Malietoa Tanumafili ll, ile 2007, lea faatoa tatala le faitoto’a o lona tia mole taimi muamua, pei ona iai le sauniga faapitoa ole aso, ma faamamalu e le talitonuga o le faapotopotoga o Baha’i i Samoa.