Toe faaleleia le vaalele laititi a le Samoa Airways

SHARE NOW

E tasi lava le mafuaaga o le galuega toe faaleleia ole vaalele laititi a le Samoa Air ua faia ai nei i Kanata, ole saogalemu o tagata feoa’i, ae mulimuli mai ai ma le faamalieina ole auaunaga, o tagata feoa’i , ae o tupe maua e faaauaua ai se tautua.

Peita’i ile faamatalaga faalauaitele mai le ofisa o le Samoa Air, ua oo atu ai le galuega ile vaiaso lenei, ile tala tala ta’itasi o vaega ole vaalele e tapena ai mo le vali, ae ole siakia atoa o totoga ole vaa.

Ile tala a le Ofisa sili . Fauoo Tielu, ua uma ona tatala ese  afi, faapena foi i pe’ape’a, o totoga e faatonutonu ai le alu a le vaalele, o ona apaapa, o le tapili, ole sitepu, o vaega i totonu.

Ae ua galulue ai nei e tatala ese le fuel system, ma vali apaapa.  Ua ose laasaga sili mo le Samoa air , i lana faamatalaga, ole saogalemu lava, mo pasese.  O ia ta’ua foi e lua tagata pailate mai le Planes and Parts Ltd, ole kamupani Kanata na totogi e le Samoa Air e avatua le vaa mo le galuega faaleleia o faia nei i Kanata, talu mai le masina talu ai, o Me. Ma galulue faatasi ai ma le inisinia ale Samoa air, ile tapenaga o le misiona lea e aofia ai le faapipii o isi tane suauu i totonu ole vaalele mo le malaga umi.

E 15 itula ma na malaga atu ai mai Faleolo i Hilo Hawaii, ma malolo ai le auvaa, a’o lei toe lele atu le vaa mo Kanata.

 O iai le faamoemoe e toe taliu mai i taimi sili ona feoai ai tagata ile va o Samoa, ia Novema ole tausaga nei.

Ae tapena ai foi lesi vaalele, twin otter e avatu ise vaa i lalo mo Kanata ile tausaga fou, Fepuari poo Mati, pei ona taua e le ofisa ole Samoa Air.

Ma faatupe e le Samoa air faatasi ai ma lana aitalafu poo le loan.