Ua toe faaulu aloaia ai nei le tagi a le faletua ia Tupuola Mati, ile ofisa o leoleo faasaga i faasalalauga na faia faasaga i lona to’alua, le faipule ua tuumalo ia Vaele, e sootaga lava ile maliu ole tama aoga ia Tuuau Maletino.
O le toe oo atu atu o le faletua ia Tupuola e faafou lana tagi, ina ua uma ane le fa masina e leai se tala ua oo atu i leoleo.
Ole mataupu lea na tuuaia ai ma le faipule sinia o Salafai, Laaulialemalietoa.
Peita’i o lea foi ua agia mai, le mautu ai nei o suafa o leoleo ua faafoeina le tagi a le faletua o Vaele ia Tupuola, pei ona molimau Laauli, ua tuu atu nei lena matapu i aao o Komesina lagolago e to’alua, Susuga a Leau Norman ma le Susuga a Papalii Efo.
Peita’i o saunoa foi Laauli, e le tatau ona toe tuumamaina, mea ia, ma o le’a faaulu aloaia fo’i lana tagi.
Ua taunuu i aao ole Komesina lagolago, ma ave iai lana faamatalaga tusitusia ma tatalo iai e alofagia, ae ua uma ona ave mea muamua.
Faapena foi ia Vaele, ma sa talia e sui komesina e toalua atoa ai ma le loia a le Matagaluega o leoleo.
Ole tagi a Laauli, na ia ta’u, o loo tapena ane foi molimau ile fuafuaga na faalele e tagata vale ia, ma ua tatau ona faasolo, ona o loo faatali le atunuu.
