Ua toe oo foliga vaaia ole gataifale o Apia I tausaga ua tuanai. Ina ua laupae atoa le taligalu I tapuaiga ae o le mamalu lautele e lagolagoina tuuga fautasi.
Ma manumalo ai nei le Tolotolo o Tama uli mai Salelologa Savaii. Mataina le maeu ole solo o le aumaimoa agai I Matautu ile vaega na tini iai le tuuga ma vivii le tamauli. O atagia ai le faitau selau ma selau ole au matamata o le tapuaiga mo le Tolotolo o Tamauli.
O lesi tulaga na mata’ina ai le fautasi o Salafai, ole fefiloi o lona auvaa, e le gata o le talavou, ole vaega feololo, ae filo ai ma le tama matua, e 62 tausaga le soifua, afioga a Matamua, na faaalia foi lona mitamita ua fai lona sao ile 60 tausaga ole saolotoga o Samoa.
Saunoa foi le Kapeteni ole Tolotolo o Tamauli Afioga a Pauli, ile faateia o latou ile vaai atu ua tulioso vaa, ae le’I lagona se pa a le fana, ma mulimuli mai ai foi latou i tua o le vaa na oso muamua.
Sa malu le aloalo mai Faleula, se ia oo ina lata mai i gatai o Apia ua amata foi ona tau siisii le aloalo peita’i o le faafetai na ia sii ile Atua ae ole tapuaiga, ile taunuuga o le aso.
Ole fautasi ale Don Bosco na tulaga Lua, tulaga tolu le Telefoni, Tulaga fa Malisi ae tulaga lima ai le Little Rina
