Na sosolo lava i le taimi le polokalame ole po faai’u o fiafiaga ole Sisigafu’a 60 i tuamaota o le malo i Apia.
Faapena foi i sasa o le Teuila masani ai ile malae o Tulisi i tafamaota.
Ina ua molimauina, le mae’a ane o le taimi faatulaga, ma tapena ai lava i aiga le au faipisinisi sa faatau latou oloa ile malae o tulisi.
Vagana ai le Paka i tuamaota o le malo e te’a ane lava le 11 ile po anapo, e leai se faaititia o aiga i matua ma fanau, ae o le au talavou na faaaogaina le lagilelei o le afiafi ae o le filemu ma le taligoligoa ina ua tapunia faafiafiaga sa faia ile eleele fou. Ile malae faapitoa na fausia mo aso faapitoa faapea.
O le tumu lea na iai le eleele fou anapo i le faitau afe o le au faalogologo, ile koneseti faapitoa a le Punialavaa mo le atunuu lautele, o foliga lava na sa iai ilenei vaiaso atoa i afiafi o faafiafiaga.
Peitai, ile uma ane o lena koneseti, ma amata ai lona o lolofi atu le vaega talavou i falekalapu ma pa pia i le Beach Road pei o le RSA, Melenia ma lesi fale sosoo atu i Sisifo.
Ua toe fo’i lava foliga ole tatou taulaga i Apia, i taimi o sisigafua sa iai le lagona mitamita o le Samoa, e tautulei le taulaga i tagata. O se laasaga ua maoa’e lona toe pu’e maiga ile uma ole tele o tausaga ma faasolo ma ai i tapu ole koviti ma molo’aua atu ai lava ma lenei Aso faapitoa taua i tala faasolopito o Samoa.
Ole atoaga o le 60 tausaga o Samoa, faatoa uma lava ona sasa i le aso mulimuli o le masina o Me o le tausaga fou.
Ae o fiafia faapitoa o lenei vaiaso, e taualuga i le tauvaga tausaga, e saili ai le lalelei o le Teuila 2022.
