Ua toe tuufaasolo ai nei foi le tofiga ole Sui Faatonusili ole Matagaluega o le Soifua maloloina.
A’o tuua ai le nofoa e le Faatonusili, Dr Naseri mo ona medical leave toe taliu ane ai.
Tala mai totonu ole Matagaluega, i tatou paaga e le’o finagalo e faailoa suafa, o le Afioga a Tagaloa Dr Robert Thomsen o loo avea ai nei ma Sui Faatonusili aoao o le Matagaluega o le Soifua Maloloina, a’o ave ai medical leave ole Faatonusili aoao Dr Naseri.
O le Aso Lua sa amata ai ona tauave e Tagaloa le tofiga Sui Faatonusili pei ona ta’ua e le paaga .
Maitauina e le’o toe mamao ae uma le taimi o le konekarate a le Faatonusili, ae e le’o iloa pe toe faia e le Kapeneta se taimi faaopopo. Peita’i ile tala ale tatou paaga, e le’i leva foi ona toe taliu atu le Susuga Leausa i le galuega, mai lana livi.
Ole suesuega a le PSC ile masina o Mati ile faatuai ona faapipii o le Faata faapitoa, TC Scanner, na latou aveesea ai le hard drive poo le vaega o le computer a le Faatonu sili, e teu uma iai galuega a le masini.
O le hard drive lena na maua ai imeli ma tuuaia ai le iai o lesi tagata poo se middle man ile faiga o le faagasologa o le tauofoga o le faata faapitoa, CT scanner ia Novema ole 2020.
O le suesuega lea na faia a’o alu le faatonusili aoao i atunuu mamalo Dr Naseri i lana livi.
E le’i maua se sootaga ma le afioga i le Faatonusili ae o loo faatali le feiloaiga ma le afioga i le Minsita Valasi Togamaga Tafito Selesele, ile taimi na tapena ai le tatou lipoti.
