Mai le faamasinoga o Apili, ua faaleaogaina ai e le faamasinoga o Apili le faaiuga a le faamasino sili, na faia ile mataupu lea na molia ai Petaia Toala ile gaoi ao avea ma tagata faigaluega.Peita’i ile faaiuga ale faamasino Sili,na solofua le mataupu, e ui ina sa ioeina e Petaia le moliaga a leoleo.
Faamasino o le faamasinoga o Apili, e aofia ai Justice Harrison, Justice Asher, Justice Young,
O loia mo le itu apili, F Lawrence ma J Leung Wai,
Ae o le Loia ia A Matalasi mo le itu tali.
Ole faamaisnoga na faia I le aso 24 o Setema, 2024
Ae na faatoa lau le iuga I le aso 7 Oketopa.
I taualumag o le mataupu lea e tasi le faamasino na malaga mai I Samoa, Justice Young, ae o isi faamasino, Justice Harrison ma Justice Asher na fesootai i luga internet mai Aukilani NIusila.
O le itu tali Petaia Toala, ua 30 tausaga o Siufaga Faga Savaii ma Alafua.
O le susuga Toala, na molia I le gaoi ao avea ma tagata faigaluega. O mea na gaoia e aofia ai mea faigaluega,e aofia ai le IMac destop computer ma le mini PA system.
Na ioeina e Toala lona moliaga, tauala i lana loia, ile aso 5 o Fepuari 2024.
Ae o Mati i lona aso 4 na faailoa ai le faaiuga faasaga ia Toala, peitai ole aso 6 o Mati faila le talosaga a lana loia e faaititia le faasalaga, e aofia ai i lena talosaga le faaleaoga o moliaga. Na faila faatasi le talosaga ma le faamatalaga mai ia Toala, ma o foliga foi na ole faaiuga a le faamasino sili.
Ae mulimuli ane toe apili e le itu a leoleo le faaiuga ma afua ai le toe oo atu I le faamasinoga o apili pei ona taua I luga.
Ile faaiuga ale faamasinoga o Apili ile vaiaso nei, 7 Oketopa,
Ua talia ai le talosaga apili a leoleo, ma ua faaleaoga ai le faaiuga na faia e le faamasino sili o le solofua o moliaga, ae ua faia ai nei e le faamasinoga o apili le faaiuga o lea mataupu.
O le faamaonia o moliaga o Toala, ma tuli lona faasalaga 18 masina nofo vaavaaia, ma le 50 itula e faigaluega ai mo galuega lautele.
