Toe foi ile faamasinoga finauga a faipule tamaitai

SHARE NOW
Ua talia e le faamasinoga Mataupu tau faigapalota, le talosaga a le faipule ole HRPP, Aliimalemanu Alofa Tuuau.
Ua toe lu’i ai e Aliimalemanu le faaiuga a le Faamasinoga, ua tofia ai To’omata Nora Leota, e avea ma faipule. Ole afioga i le TAmaitai Loia, Taulapapa Brenda Heather Latu o tula’i mo Toomata, na ia faamaonia le faia foi ole talosaga a le faipule o le FAST Toomata Nora Leota. O le talosaga a Toomata o loo lu’i ai le teuteuga o le faavae, e aofia ai ma le faaaogaina o le 10 pasene o faipule tamaitai ile Palemene.
Ua talia uma e le Faamasinoga talosaga e lua, ole talosaga toe iloiloa a Aliimalemanu, faapena foi ona talia le talosaga a Toomata e toe iloilo pei ona ta’ua i luga.
O Novema lesi taimi e valaau ai mataupu Apili, e le’o mautino pe valaau ai mataupu ia e lua. O le masina o Me o le tausaga nei, 2022, na fai ai le faaiuga a le Faamasinoga ma poloaia ai le Fofoga Fetalai, e faatauto, faipule tamaitai e toatolu, Toomata, Aliimalemanu ma Fagasealii Sapoa Feagai, i le uma ane ai foi o le latou finauga faaletulafono.
O ‘Aliimalemanu ma Faagasealii, sa faatauto o faipule faaopopo, i lalo o le tulafono 44 (10) 44 1a () ma le 44 1B ole faavae, ole taunuuga o le 10 pasene.
Ae o le mataupu ia Toomata na tofia i lalo o le faipule faaopopo, i lalo o le Article 1a (b) ma le 44 1E ole Faavae. Ole taimi lava foi lea na oo atu ai sui tamaitai o le Palemene i le 7 ma oo atu ai le aofai o nofoa i le 54.