Ole aso lona lua lenei talu ona toe faafoi mai Vaitele le lesitalaina o taavale ma le faiga o laisene avetaavale, ile Pulega o feoaiga ile laueleele Land Transport Authority LTA. Pei ona faalauaitele mai e le pulega ole LTA.
Ma e le’o le taimi muamua lea ua toe fai mai ai lea auaunaga i Vaitele ma Salelologa i nofoaga masani ai a le Lta, mai le Aso Gafua i le Aso FAraile.
Ole faaiuga ole tausaga talu ai, ina ua pale mai le Minsita o leoleo, afioga a Faualo Harry Schuster ma ia faailoa ai, o le’a tumau pea le Vaega o Taavale afi i le Matagaluega o Leoleo ae avatu le lesitala ma laisene ile LTA pei ona sa sau ai.
Na saunoa foi le Minsita ole faamalosiga o le tulafono, ole tiute lena o leoleo.
Ae o taavale afi, ole tiute fai e soo se leoleo e le na’o le vaega o taavale afi. Ole 2018 na faia ai e le faigamalo talu ai le suiga lea, ma faamavae ai se vaega ole aufaigaluega.
