Toe foi le malaevaalele i Faleolo i ona foliga masani

SHARE NOW

Ua amata ai nei ona toe oo foliga o le malae vaalele i Faleolo, pei ona sa masani mai ai, a’o lei pepesi le misela ma le koviti ma tapunia ai feoaiga mo tulisi ma aiga asiasi mai ile silia i le lua tausaga talu ai.

Ile taunuu mai a le Quantas ile afiafi ananafi, Aso Lua 9 Aukuso, na molimauina ai le felanulanua’i ole pasese.

O aumalaga a aiga, o aumalaga a papalagi o alii ma tamaitai talavou, ma a latou ato fafa ma ato toso. O pasese e na’o le tama’i ato pa’u lava e tosotoso mai, o pasi laupapa la’u pasese e faatali malaga.

O ave taavale o taxi, ua laututu atu e pu’e se manuia, o aiga ma ula faasolo manogi. Na molimauina e le aiga mai Ausetalia, ile tatou faatalanoaga, e faafetai ua tatala tuaoi faavaomalo.

Ua mafai ona ta’u atu loa le maliu a le aiga, su’e le pasese ma sau loa lava. O la’ua na faatoa su’e se pasese i luga on line i le po o le Aso Gafua, e tatala atu o loo maua le pasese sau mai Ausetlia, i le na’o le 400tala, ae faafuasei lava ona toe oso i luga, i le $1,500 ile na’o le sau one way, ma totogi ai loa lava ile taim lena o la pasese ua omai ai.

O lana faafetai, o lenei sootaga ua mafai ona toe maua e aiga , ua leai lava se toe faatali, se pa’u pasese, ae ua ave le faamuamua ile manatu mai i faalavelave o aiga, ose avanoa ua silia i le 2 tausaga o nofotatalo ina taunuu maia.