Ua amata ai nei ona toe tapena lelei le matagaluega o leoleo ma Falepuipui, i lalo o le taitaiga a le Komesina fou o le Matagaluega, Auapaa Logoitino Filipo, e toe amata le solo a leoleo agai atu i le Fale ole malo ile eleelefou, e sisi le fu’a .
O se tasi lena o sauniga ua tusa ma le ono tausaga talu ona taofia mai le pulega talu ai, peita’i o saunoa le Susuga a Auapaau, mo le taimi nei, ua na’o le faaili a leoleo ua amata faatinoa le lagiina o le vii o le saolotoga e sisi ai le fu’a i luma maota o le malo.
Ae o tulaga masani ai e oo atu lava i le 30 leoleo, e savali mai le ofisa i taeao, mo lena sauniga amata o le aso, ma ua toe faasolo atu lava iai fuafuaga a le Matagaluega..
Molimauina foi, o se tasi lena o mataaaga a tulisi, i tausaga ua mavae, ae o aiga mai tua e agai mai ile taulaga. ose sauniga sa molimauina foi le faaaloalogia, e tu ai le Samoa e mimita i lona saolotoga ma faamalo mo nai minute ile taulaga, pe’a oo i le taimi e lagona ai le leo ole vii , “Samoa tula’i…”
Ma o saunoa Auapaau, ole ‘a toe faatino lena aga fanua ua tele tausaga talu ona taofia.
