E le fou le falepuipui i le tama 40 tausaga o Mamoe Malaesala o Toamua.
Na magalo mai i tua i le palola i lona moliaga o le fasioti tagata i le 2002.
Peita’i na toe molia e leoleo i le faaoo manu’a tuga ma le umia ose aupega mata’utia. Sa ulua’i tetee lea tama, peitai na ia toe ioeina ona moliaga i le masina talu ai o Setema
Ma ole vaiaso nei lea na toe valaau ai le mataupu lenei mo lona faasalaga sa amata mai le faatatau a le faamasino i le tolu tausaga, Peita’i i ona itulelei ile atunuu lautele, ua aveesea ai le 6 masina.
Salamo i lana solitulafono na fai, aveesea ai le 3 masina, faatasi a ma le 7 masina na aveese i lona toe ioeina mulimuli ane o lona moliaga.
Ua faasala ai nei e le faamasinoga ile tasi le tausaga ma le val masina i lona faaoo manua tuga, ae ono masina i le umia o aupega mata’utia.
O na taimi, ia tulia faatasi, peita’i o loo iai foi taimi o loo totoe o lona soloatoa i le fasioti tagata na magalo ai ile palola, ua faaopopopo iai.
