Ua sili atu le toatele o le koleni nai lo nofoa o le fautasi ole Little Rina a Toamua,
O foliga sapasapaia lena ole tuuga fautasi ma le naunau o Toamua e tumau pea le siamupini ile latou nuu i faaga mea ile tai, e ala I tuuga Fautasi ole Fua lona 60 a Samoa.
O le fautasi lea a le Little Rina mai Toamua, o loo latou umia mai pea le siamupini talu mai le fitu tausaga , talu ona le toe faia ni tuuga fautasi taimi o aso faapitoa a Samoa, pei o lana sisigafu’a, ma faasolo mai ai.
Peita’i ua a’e se tofa ile faigamalo a le FAST e taualuga iai faafiafiaga ma sasa faamanatu o le 60 tausaga o le Saolotoga o Samoa, lea ua tausaga atoa o sami.
Ma avatu ai le $10afe tala i fautasi e lima na lesitala mai, mo le tuuga, e faaleleia ai o latou vaa, ina ia taunuu lava lenei faamoemoe taua ole polokalame o le sisiga fu’a 60 a Samoa.
Ae mo le auvaa o le Little Rina a Toamua, “na faaaoga lena seleni e toe faafou ao oa ole vaa i ona itu uma e lua, ma pine e taula iai foe ia mausali ma toe maua sona malosi atoatoa,”ile molimau a Tuimatala.
O se sauniga ile taeao analeila, I le utuutu i gatai o Toamua , sa molimauina le ave iai o le faataua a le afioaga, aemaise o le tupulaga talavou ma le pulega o Toamua, ma manatua ai pea le tautua a le tasi o tamalii faipisinisi iloga o Samoa, ua tuua le malo, le Susuga Allen Grey.
