I le faatalanoaga faalauaitele ole toe iloiloina o tulafono palota, pei ona totofi iai le komiti faafaapitoa , e faatinoa lea laasaga, ma faasolo atu i afioaga o itumalo taitasi ile atunuu.
O aga masani ai lava ia i le uma ane palota tetele, ma toe mataitua ai ni tulaga e tatau ona faaleleia mai le palota tele ua faatoa uma atu. Peita’i ua silia ile tausaga talu ona uma le palota a le tatou atunuu ma faasolo mai ai loa faatalanoaga a le komiti o loo taitaifono ai le Tofa a Tuu Ieti Taulealo ole komiti e aofia ai matai, o e sa faaulu iai matagaluega a le malo ma e fai tofi i ekalesia.
peita’i ole aso Lua o le vaiaso lea na oo atu ai ile afioaga o Moataa.
O le tele o na gasolo ane iai ma auai ile fatalanoaga, o tagata matutua. o lesi mataupu na mataina o Palota a Tagata Samoa o aumau i atunuu e mamao. Na silasila ma sailiili se lagona e mafai ai ona palota mai tagata nuu Samao o aumau i atunuu mamao, ae faapefea ona faagaioi lenei manatu. I finagalo na lafo, sa iai matai o Moataa e lei finagalo e palota mai tagata mai fafo.
Sa iai foi matai ole itumalo lava lea o Vaimauga na lagolagoina le palota mai o tagata i fafo, ma faaaoga iai ofisa Konesula o Samoa i atunuu ifafo, e lesitala ane iai suafa , ma siakia ia le agavaa ole tagata e palota mai ma le leai.
O lesi mataupu: o le Sogatulafono ma Faamasinoga: : Toe auiliili ma faamanino le aano tonu o le soligatulafono o Uiga Piopio ma Amioaga Faaalatua , (Sui Tauva ma Tagata Palota. ), ma pe talafeagai le faatoai ose tagi ase Sui Tauva pe a ausia le 50 pasne o tagata na palota mo le sui, ma le Toe iloilo poo talafeagai le faiga o ia nei, a maea loa le faamasinoga ini soligatulafono o faigapalota, ua leai se avanoa e toe apili ai le faaiuga a le faamasinoga.
