E lua tausaga ma le fitu masina ua faasala ai e le Fa’amasinoga le alii o Maeli Faleiva e 36 tausaga, o Safa’i Savaii ona ua faamaonia le maliu ai o lona uso laititi e 27 tausaga. O le masina o Fepuari o le tausaga nei na tulai mai ai lenei faalavelave i le afioaga Safa’i i le motu tele Salafai.
I faamaumauga a le Matagaluega o leoleo ma Falepuipui, o lipotia ai o se inugava malosi sa faatinoina e i laua lea na mafua ai ona fetotoa’i ma tulai mai le vevesi
O le uso laititi, 27 tausaga na ia umia se agaese ma aafia ai lona uso o Maeli 36 tausaga.
I faamaumauga na agia ile faamasinoga ma lipotia, na faifai tetele lea fe’eseeseaiga, ma oo ai ina fealuai i luga o le auala le alii 27 tausaga ma se agaese ma laulau vavale.
Na taumafai atu Maeli e faafilemu lona uso laititi e ala i lona fa’aogaina o se amo poumuli ma ia taia faatolu ai le muliulu o lona uso laititi ma maliu ai lava.
E tolu moliaga e aofia ai le fasioti tagata paivalea, fa’aoomanu’a tu’ga ma le umiaina ose aupega matautia. O ia moliaga na ioeina uma e le alii o Maeli Faleiva, ma ua tuuina mai ai e le faamasinoga le lua tausaga ma le fitu masina i le falepuipui i Tanumalala.
