O Mati 13 ole 2023 le faamasinoga ole tama ia Auia Fereti Moefiti o Fogapoa. Ua faitau masina ai nei talu ona taofia ile falepuipui e faatali ai le taimi o lona faamasinoga.
Peita’i ole Aso Gafua ananafi na toe oo atu ai lana talosaga i le faamasinoga ise avanoa e tatala ia i tua e talia ai le taimi o lana mataupu.
Peita’i ole aso 17 o le masina nei, e iloa ai se tali o lana talosaga tatala.
O le tama ia Auia Fereti Moefiti , 53 o Fogapoa o taofia, ma o loo ia teena foi ona moliaga o taofia ai, e aofia ai le fasioti tagata, ole taumafai e faaoo le maliu, ma isi moliaga o le faaooman’ua. .
I faamaumauga a leoleo , o ta’ua ai o le tama lea na alu ane lava ia e tau i leoleo i Tuasivi le faaletonu na tupu, afua mai ise feeseeseaiga i mataupu tau fanua i le latou nuu.
Ole masina talu ai na faato’a teu ai le tama 60 tausaga le matua ma lona atalii 18, na maliliu mai manuaga ile laau malosi, ae na togafiti le to’alua ole atalii ma manuia.
