Ua toe tofia ai nei e le Kapeneta, le afioga a Heseti Sione Vaai e faaauau lona tofiga CEO poo le Ofisa Sili, ma le pule faatonu, o le Samoa Life Assurance Corporation, (S.L.A.C.) mo lesi tolu tausaga.
O le afioga a Heseti ua silia ile 30 tausaga o galue ile malo, ma toe faamaonia ai e le Kapeneta ananafi.
Ua faamauina ona faailoga maualuluga, i mea tau tausi tusi, pulega o tupe, ma itu tau ile tamaoaiga, mai iunivesete i AUT Niusila ma le Iunivesite o le Pasefika i Fiti, ma le NUS i Samoa.
I lona soifua galue ile malo, talu mai le 1991, ma see atu ile Pulega o le suavai, ile ono tausaga mulimuli ane, ma galue ai ile 23 tausaga, ma tofia ai e fai ma Ofisa sili o le Inusrance Corporation ile 2020, lea ua toe faafou ai lana nofoaiga lona lua ile faalapotopotoga.
